09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
Ռուսաստանում արգելափակվել է Viber-ը
14.12.2024 | 14:18
Ռուսաստանում արգելափակվել է Viber մեսենջերը՝ ռուսական օրենսդրության պահանջները խախտելու պատճառով։ «Արմենպրես»-ի փոխանցմամբ՝ «Ռոսկոմնադզոր»-ը հայտնում է, որ մեսենջերի հասանելիությունը սահմանափակվել է՝ կապված տեղեկատվության տարածման կազմակերպիչների համար նախատեսված պարտավորությունների չկատարման հետ։
«Ռոսկոմնադզոր»-ի հաղորդագրության համաձայն, այս միջոցառումը նպատակ ունի կանխել մեսենջերի օգտագործումը ահաբեկչական և ծայրահեղական նպատակներով, քաղաքացիների հավաքագրումը նման գործողությունների իրականացման համար, թմրանյութերի վաճառքը և այլ անօրինական գործողությունների տարածումը։
«Տեղեկատվության տարածման կազմակերպիչները պարտավոր են համապատասխանեցնել իրենց գործունեությունը ռուսական օրենսդրության պահանջներին՝ հասարակության անվտանգությունն ապահովելու և անօրինական տեղեկատվության տարածումը կանխելու նպատակով»,- նշված է հաղորդագրության մեջ։
Հատկանշական է, որ Viber-ը Ռուսաստանում երրորդ ամենատարածված մեսենջերն է:
