22.06.2026 | 21:29
Հայաստանի մի շարք հասցեներում էլեկտրաէներգիայի անջատումներ կլինեն
ՀԱՄԱՍ-ն առաջին անգամ հնարավոր է համարել Իսրայելի հետ գործարքի հնարավորությունը. WSJ
Քաղաքականություն
12.12.2024 | 10:40
Պաղեստինյան ՀԱՄԱՍ շարժումն առաջին անգամ հայտարարել է, որ կարող է համաձայնվել մի գործարքի, որը թույլ կտա իսրայելական զորքերին ժամանակավորապես մնալ Գազայի հատվածում մարտերի ավարտից հետո: Այս մասին գրում է ամերիկյան The Wall Street Journal (WSJ) թերթը՝ վկայակոչելով միջնորդներին։
Ըստ պարբերականի զրուցակիցների՝ խոսքը Ֆիլադելֆիայի միջանցքում (Եգիպտոսի և Գազայի սահմանի հատվածում) և Նեցարիմ միջանցքում (Գազայի և Իսրայելի սահմանից մինչև Միջերկրական ծով մոտ 4 կմ լայնությամբ գոտի) Իսրայելի ներկայության մասին է։
ՀԱՄԱՍ-ը նաև համաձայնել է իր ուժերը չտեղակայել Ռաֆահ անցակետի պաղեստինյան կողմում:
Ավելի վաղ, որպես առաջարկի մաս, ՀԱՄԱՍ-ն արդեն փոխանցել էր Գազայում պատանդների ցուցակը, որոնք ազատ կարձակվեն հրադադարի համաձայնագրի համաձայն։
Աղբյուրի համաձայն՝ Իսրայելն ու պաղեստինյան շարժումը քննարկում են երկամսյա զինադադար, որի ընթացքում կազատվեն մինչև 30 պատանդներ։ Ի պատասխան՝ իսրայելական կողմը պետք է համաներում շնորհի մի խումբ պաղեստինցի բանտարկյալների և թույլ տա ավելացնել մարդասիրական օգնության հոսքը դեպի անկլավ։
WSJ-ի աղբյուրները նաև հայտնել են, որ ԱՄՆ ազգային անվտանգության հարցերով խորհրդական Ջեյք Սալիվանը ծրագրում է առաջիկա օրերին այցելել Իսրայել, Եգիպտոս և Քաթար՝ «համաձայնության հասնելու համար»:
Թարգմանությունը՝ Տաթև Ֆռանգյանի
