ՔՆՆԱՐԿՈւՄ․ Ասադի տապալումը Սիրիայում, ՌԴ-ի թուլացումը, Թուրքիայի դերի աճը․ ի՞նչ վիճակ ստեղծվեց Մերձավոր Արևելքում. ՏԵՍԱՆՅՈՒԹ

Սիրիայում ապստամբների գրոհի և մայրաքաղաք Դամասկոսի գրավման արդյունքում տապալվեց Ասադների դինաստիայի՝ ավելի քան կես դար տևած իշխանությունը։ Բաշար Ալ-Ասադը, որը Մոսկվայի ռազմաքաղաքական աջակցությունն էր վայելում, այս անգամ միայնակ մնաց ապստամբ իսլամիստների առաջ, և Սիրիայից փախավ Ռուսաստան։ Հենց Ռուսաստանն էլ նրան քաղաքական ապաստան է տրամադրել։ Սիրիայում իշխանություն վերցրած «Հայաթ Թահրիր ալ-Շամ» խմբավորումը կազմավորում է անցումային կառավարություն, և նոր իշխանություն կձևավորվի։ Մինչ Սիրիայում քաղաքացիական պատերազմը հասնում էր կուլմինացիային՝ Ասադի հեռացումով և իսլամիստների իշխանության գալով, առիթից օգտվեց Իսրայելը, որը Սիրիայում 250 թիրախ է խոցել, այդ թվում՝ Համայում, Հոմսում և Լաթաքիայում։ Իսրայելը դեկտեմբերի լույս 10-ի գիշերը սիրիական նավատորմ է ոչնչացրել։ Իսրայելի պաշտպանության նախարար Իսրայել Կացն ասել է, որ Իսրայելն ուժեղացնում է Սիրիայի և Գոլանի բարձունքների միջև ընկած բուֆերային գոտին և կոչ է արել Սիրիայի հարավում ստեղծել «ստերիլ պաշտպանության գոտի», առանց իսրայելական զորքերի մշտական ներկայության, Իսրայելի անվտանգությանը սպառնացող վտանգները վերացնելու համար: Ի՞նչ կատարվեց Սիրիայում և ի՞նչ է սպասվում այդ երկրին։

Factor TV-ում հրավիրված քննարկմանը մասնակցում են Նելլի Մինասյանը՝ թուրքագետ, Սագո Արեանը՝ Մերձավոր Արևելքի խնդիրներն ուսումնասիրող լրագրող, Էդգար Առաքելյանը՝ քաղաքագետ, Գիորգի Միրզաբեկյանը՝ պատմական գիտությունների թեկնածու։

Մանրամասները՝ տեսանյութում։