11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Մոսկվան տեղեկացվել է Թբիլիսիում ցույցերի ժամանակ ձերբակալված ռուսների մասին
Քաղաքականություն
10.12.2024 | 18:09
Թբիլիսիում ընդդիմության ցույցերի ժամանակ Ռուսաստանի 15 քաղաքացի է բերման ենթարկվել։ Այս մասին ասվում է Վրաստանում Շվեյցարիայի դեսպանատանը կից գործող ռուսական շահերի բաժնի հաղորդագրության մեջ, փոխանցում է Lenta-ն։
«Վրաստանում Շվեյցարիայի դեսպանատանը կից գործող ռուսական շահերի բաժնում վրացական կողմից ստացված պաշտոնական տեղեկատվության համաձայն՝ 2024 թվականի նոյեմբերի 28-ից դեկտեմբերի 9-ն ընկած ժամանակահատվածում Վրաստանի տարածքում ձերբակալվել է Ռուսաստանի Դաշնության 15 քաղաքացի»,- ասվում է հաղորդագրության մեջ։
Նախօրեին Վրաստանի ՆԳ փոխղեկավար Ալեքսանդր Դարախվելիձեն հայտնել էր, որ Թբիլիսիում բողոքի ցույցերի ընթացքում ավելի քան 400 մարդ է բերման ենթարկվել։ Նրա խոսքով՝ քրեական պատասխանատվության է ենթարկվել ավելի քան 30 մարդ, 372 անձի նկատմամբ հարուցվել է վարչական վարույթ, որոնցից 62 քաղաքացի դատապարտվել է ազատազրկման, իսկ 100-ից ավելին տուգանվել է։
Թարգմանությունը՝ Տաթև Ֆռանգյանի
