16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Ուրուգվայը հետաքրքրված է տեխնոլոգիական կրթության ուղղությամբ գործակցությամբ
Քաղաքականություն
10.12.2024 | 12:12
ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանն ընդունել է Ուրուգվայի Հայկական բարեգործական ընդհանուր միության (ՀԲԸՄ) Նուբարյան վարժարանի տնօրեն Խավիեր Պոլադյանին և Ուրուգվայի հանրային կրթության ազգային ադմինիստրացիայի (ANEP) Լեզվական քաղաքականության վարչության պետ Ալդո Ռոդրիգեսին:
Նշվել է, որ Ուրուգվայի հետ մի շարք ոլորտներում գործակցության արդեն իսկ ձևավորված հաջող փորձ կա, բազմաթիվ ծրագրեր են իրականացվում ՀԲԸՄ-ի օժանդակությամբ, սակայն կա նաև մեծ հետաքրքրվածություն և ցանկություն գործակցային կապեր հաստատել տեխնոլոգիական ոլորտում, հատկապես տեխնոլոգիական կրթության ուղղությամբ։
«Ներկայացվել է նախարարության կողմից իրականացվող տեխնոլոգիական կրթության ուղղվածությամբ ծրագրերը՝ մասնավորապես մասսայական ուսուցման և կարողությունների զարգացման ուղղություններով։ Անդրադարձ է կատարվել նաև «Plug and Play»-ի կողմից իրականացվող աքսելերացիոն ծրագին՝ ուղղված Հայաստանում ստարտափների զարգացմանը, «Արմաթ» լաբորատորիաների, Թումո ստեղծարար տեխնոլոգիաների կենտրոնի, COAF սմարթ կենտրոնի գործունեությանը»,- ասված է ԲՏԱ նախարարության հաղորդագրությունում։
Քննարկվել են արդյունավետ գործակցության մի շարք հնարավորություններ, այդ թվում՝ որպես մեկնարկ դիտարկելով տեխնոլոգիական ոլորտի ընկերությունների միջև աշխատանքային հարթակների ստեղծումը, տեխնոլոգիական կրթության, ագրոտեխնոլոգիաների, նորարարության, թվայնացման, արհեստական բանականության, մի շարք այլ ուղղություններով փորձի փոխանակումը, երկխոսության հաստատումը։
