04.04.2026 | 18:23
Իրանը թույլատրել է հումանիտար օգնությամբ բեռնված նավերի անցումը Հորմուզի նեղուցով
ՀՀ-ում Ֆրանսիայի դեսպանը հայ-ադրբեջանական սահման է այցելել
Քաղաքականություն
09.12.2024 | 12:05
ՀՀ-ում Ֆրանսիայի դեսպան Օլիվիե Դըկոտիյին այցելել է հայ-ադրբեջանական սահման։ Այս մասին հայտնում է ՀՀ-ում ԵՄ առաքելությունը X-ում գրառմամբ։
«Մեզ համար մեծ պատիվ է կենտրոնակայանում ընդունել Հայաստանում Ֆրանսիայի դեսպանին, որտեղ նա տեղեկացվել է առաքելության վերջին աշխատանքների մասին»,- հայտնում են ԵՄ առաքելությունից։
Նշվում է, որ Ֆրանսիայի դեսպանը միացել է Խաչիկ գյուղում առաքելության անդամների պարեկությանը։ Դեսպանը տեղեկացվել է առաքելության աշխատանքների մասին։
«Նա նաև միացել է Խաչիկ գյուղում պարեկությանը, որպեսզի տեղում հետևի մեր գործողություններին։ Շնորհակալություն շարունակական աջակցության և համագործակցության համար»,- ասվում է առաքելության գրառման մեջ։
Թարգմանությունը՝ Տաթև Ֆռանգյանի
