15.12.2025 | 21:13
Ալիևը համաներում է նախաձեռնում. այն կվերաբերի ավելի քան 20,000 մարդու
ԱՄՆ-ն ավիահարվածներ է հասցրել Սիրիայում ԻԼԻՊ-ի ճամբարներին
Քաղաքականություն
09.12.2024 | 11:42
ԱՄՆ կենտրոնական հրամանատարության ուժերը դեկտեմբերի 8-ին մի քանի տասնյակ հարվածներ են հասցրել Սիրիայում ԻԼԻՊ ահաբեկչական խմբավորման դիրքերին, գրում է Current time-ը։
«Այդ հարվածները ԻԼԻՊ-ի առաջնորդների, օպերատիվ աշխատողների ու ճամբարների դեմ շարունակվող առաքելության շրջանակում էին՝ թուլացնելու և ոչնչացնելու ԻԼԻՊ-ը, կանխելու ահաբեկչական խմբավորմանը՝ արտաքին գործողություններ իրականացնելու հնարավորությունները և թույլ չտալու, որ ԻԼԻՊ-ն օգտվի ստեղծված իրավիճակից՝ վերականգնվելու Սիրիայի կենտրոնական հատվածում»,- ասվում է CENTCOM-ի հայտարարության մեջ:
Գործողության ընթացքում ավելի քան 75 թիրախ է խոցվել՝ օգտագործելով ԱՄՆ ռազմաօդային ուժերի մի շարք միջոցներ, այդ թվում՝ B-52, F-15 և A-10 ինքնաթիռներ:
«Մենք հստակ գիտակցում ենք այն փաստը, որ ԻԼԻՊ-ը կփորձի օգտվել ցանկացած վակուումից՝ վերականգնելու իր կարողությունները։ Մենք թույլ չենք տա, որ դա տեղի ունենա»,- Սպիտակ տանը լրագրողներին ասել է ԱՄՆ նախագահ Ջո Բայդենը։
Նա Ասադի ռեժիմի տապալումը որակել է որպես «արդարության հիմնարար գործողություն»:
«Այդ ռեժիմը դաժանորեն խոշտանգել և սպանել է հարյուր հազարավոր անմեղ սիրիացիների: Սա պատմական հնարավորության պահ է Սիրիայի բազմաչարչար ժողովրդի համար՝ ավելի լավ ապագա կառուցելու իրենց հպարտ երկրի համար»,- ասել է Բայդենը՝ վստահեցնելով, որ Սպիտակ տունը համագործակցելու է սիրիական բոլոր խմբավորումների հետ իշխանության անցման ժամանակ, և խոստացել է աջակցել հարևան երկրներին, եթե նրանք բախվեն Սիրիայի կողմից անցումային շրջանում որևէ սպառնալիքի։
Բայդենը նաև ասել է, որ ԱՄՆ-ը վստահ չէ Սիրիայի նախագահ Բաշար Ասադի գտնվելու վայրի հետ կապված, սակայն հետևում է հաղորդագրություններին, որ նա ապաստան է փնտրում Մոսկվայում։
Թարգմանությունը՝ Էմմա Չոբանյանի
