14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՀԱՊԿ-ում Յուրի Խաչատուրովին փոխարինելու կոնսուլտացիաները շարունակվում են․ Զոհրաբ Մնացականյան․ ՏԵՍԱՆՅՈՒԹ
Քաղաքականություն
20.09.2018 | 13:32
ՀԱՊԿ-ն այն կառույցն է, որի մեջ մենք ապահովում ենք մեր միասնական անվտանգությունը: Կառավարության նիստից հետո պատասխանելով Factor.am-ի հարցին, թե ինչպես կմեկնաբանի ՀԱՊԿ-ի լռությունը կապված հայ-ադրբեջանական սահմանին տիրող լարվածության հետ՝ ասաց արտաքին գործերի նախարար Զոհրաբ Մնացականյանը:
«Արձագանք լինել-չլինելը չի նշանակում, որ մենք այդ կազմակերպությունում մեր գործառույթը չենք անում: Սա հավաքական անվտանգության կառույց է և այդ հավաքական անվտանգության կառույցի շրջանակներում մենք ի հայտ ենք բերում այն զարգացումները, որոնք կանոնադրական առումով նշանակություն ունեն»,- նշեց նախարարը՝ նկատելով, որ հայկական կողմը համբերատար աշխատում է այդ կառույցի հետ:
Մեր հաջորդ հարցին՝ հնարավո՞ր է ՀԱՊԿ գլխավոր քարտուղարի պաշտոնը, Խաչատուրովի հետ կապված գործընթացի արդյունքում, ժամկետից շուտ անցնի այլ երկրի՝ Մնացականյանը պատասխանեց, որ «կոնսուլտացիաները շարունակվում են»:
Մանրամասները՝ տեսանյութում:
