20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Բաքվում ՆԱՏՕ-ի դասընթացներ են անցկացվել
Քաղաքականություն
06.12.2024 | 23:17
Ադրբեջանի Պաշտպանության նախարարության և ՆԱՏՕ-ի միջև 2024 թվականի Անհատական գործընկերության համագործակցության ծրագրի շրջանակում Միացյալ ուժերի հրամանատարության շարժական ուսումնական խումբն ուսումնական դասընթաց է անցկացրել Բաքվում։
Ադրբեջանի ՊՆ-ի հաղորդմամբ՝ Պաշտպանության ազգային համալսարանի Ռազմական կառավարման ինստիտուտում կազմակերպված դասընթացն ընդգրկել է տարբեր թեմաներ՝ կապված օպերատիվ-մարտավարական մակարդակով ՆԱՏՕ-ի զորավարժությունների պլանավորման և անցկացման գործընթացի հետ։ Դասընթացի ավարտին նշվել է դրանց կարևորությունը Ադրբեջանի և ՆԱՏՕ-ի միջև ռազմական համագործակցության ընդլայնման համար։
Նշվել է, որ դասընթացի հիմնական նպատակն է ծանոթացնել օպերատիվ-մարտավարական մակարդակով ՆԱՏՕ-ի զորավարժությունների պլանավորման և անցկացման գործընթացին։
Թարգմանությունը՝ Էմմա Չոբանյանի
