16.12.2025 | 14:24
Քննարկվել են ՀՀ և Վրաստանի ՊՆ-ների միջև ռազմավարական հաղորդակցության ոլորտում համագործակցության ընդլայնման հարցեր
Ռազմավարական Համան գրավելուց հետո սիրիական ապստամբ խմբավորումները մոտեցել են Հոմս քաղաքին
Քաղաքականություն
06.12.2024 | 14:50
Սիրիական ապստամբ զինյալները ընդամենը հինգ կիլոմետր են հեռու Հոմս քաղաքից՝ այն ռազմավարական Համային միացնող ճանապարհի երկու քաղաքների նկատմամբ վերահսկողություն հաստատելուց հետո, գրում է Al Arabiya-ն՝ վկայակոչելով AFP-ին։
«Հայաթ Թահրիր ալ-Շամը (HTS) և դաշնակից խմբավորումները հասել են հինգ կիլոմետր հեռավորության վրա Հոմս քաղաքի արվարձաններից՝ Ռաստան և Թալբիսե քաղաքները վերահսկելուց հետո»,- նշում է Մարդու իրավունքների սիրիական դիտորդական կենտրոնը։
Նշվում է, որ Հոմսի վերահսկողությունը թույլ կտա ընդդիմությանը «կտրել դեպի սիրիական ափ տանող գլխավոր ճանապարհը», որը Սիրիայի նախագահ Բաշար ալ-Ասադի ալևիական փոքրամասնության հենակետն է:
Հիշեցնենք, որ սիրիական բանակը պաշտոնապես հայտարարել է, որ կորցրել է վերահսկողությունը ռազմավարական նշանակության Համա քաղաքի նկատմամբ, զորքերը դուրս են բերվել այնտեղից։
Թարգմանությունը՝ Էմմա Չոբանյանի
