07.11.2026 | 10:22
Արմեն Գրիգորյանը վերընտրվել է Գլխավոր դատախազին առընթեր էթիկայի հանձնաժողովի անդամ
ՆԱՏՕ-ն մտադիր է ռազմածովային անօդաչուների նավատորմ ստեղծել
Քաղաքականություն
04.12.2024 | 21:27
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Հյուսիսատլանտյան դաշինքը (ՆԱՏՕ) սկսել է մշակել անօդաչու նավերի սեփական նավատորմը, որոնք նախատեսված են պաշտպանելու ստորջրյա ենթակառուցվածքները Բալթիկ և Միջերկրական ծովերում, հայտարարել է դաշինքի միավորված զինված ուժերի փոխակերպման հարցերով գերագույն հրամանատար, ծովակալ Պիեռ Վանդիեն Defence News-ին տված հարցազրույցում։
Նրա խոսքով՝ անօդաչուների նավատորմի ստեղծման անհրաժեշտությունն առաջացել է վերջին տարվա ընթացքում եվրոպական ջրերում մի քանի սուզանավային մալուխների վնասումից հետո։ Մի քանի շաբաթ առաջ տեղի ունեցած երկու միջադեպից հետո ՆԱՏՕ-ի բարձրագույն ղեկավարությունը սկսել է մտածել մի համակարգի ստեղծման մասին, որը շարունակաբար կվերահսկի իրավիճակը ինչպես ջրի մակերևույթին, այնպես էլ ներքևում:
Վանդիեն նախաձեռնությունը համեմատել է փողոցային հսկողության տեսախցիկների հետ՝ հանցագործությունները գրանցելու համար:
«Տեխնոլոգիաները հնարավորություն են տալիս նման համակարգ ներդնել անօդաչու վերգետնյա նավերի (UNS) միջոցով»,- բացատրել է ծովակալը:
Նա ասել է, որ անօդաչու թռչող սարքերի նավատորմի նախագիծը զարգացման վաղ փուլում է: Սկզբում համակարգը կենտրոնացած է լինելու ջրի մակերեսի մոնիթորինգի վրա՝ հետագայում ստորջրյա աշխատանքի հնարավորությունների ընդլայնմամբ:
Թարգմանությունը՝ Տաթև Ֆռանգյանի
