03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
ԼՂ հիմնահարցի լուծման առումով, կողմնակից եմ երկու երկրների ԱԳ նախարարների կանոնավոր հանդիպումներին. ՀՀ-ում Ֆրանսիայի դեսպան (ուղիղ հեռարձակում)
13.07.2017 | 11:07
«Մեդիա կենտրոնում» Հայաստանում Ֆրանսիայի արտակարգ և լիազոր դեսպան Ժան-Ֆրանսուա Շարպանտիեն մամուլի ասուլիս էր հրավիրել՝ նվիրված Ֆրանսիայի ազգային տոնին, որի ընթացքում անդրադարձ կատարվեց նաև Ֆրանսիայի ներքաղաքական զարգացումներին և հայ-ֆրանսիական հարաբերություններին:
«Մակրոնի ելույթը եվրոպամետ էր, բայց դրանով հանդերձ նշված էին այն խնդիրները, որոնց առնչվում է այսօրվա Եվրոպան»,- Ֆրանսիայի նորընտիր նախագահ Մակրոնի հաղթանակի մասին խոսելով նկատեց դեսպանը՝ ընդգծելով, որ Մակրոնի ճառը սպասված էր բոլոր եվրոպացիների կողմից:
Հարցին՝ հայ-ֆրանսիական բարձր քաղաքական հարաբերության պայմաններում ինչո՞վ են բացատրվում առևտրաշրջանառության ցածր ցուցանիշները, դեսպանը պատասխանեց. «Այո՛, իրավացի եք առևտրաշրջանառությունը ցածր է, սակայն քիչ ավելի բարվոք է ներդրումների առկայությունը: Սա թերևս բացատրվում է նրանով, որ հայկական տնտեսական շուկային լավ ծանոթ չէ արևմտյան շուկան»:
Դեսպանը նկատեց՝ քանի որ Հայաստանը կապող օղակ է հանդիսանում դեպի Իրան ու ԵԱՏՄ շուկա, ուստի ֆրանսիացի խոշոր ընկերությունները սկսել են հետաքրքրություն ցուցաբերել հայկական շուկայի նկատմամբ:
Անդրադառնալով ԵԱՀԿ ՄԽ համանախագահների հետ Հայաստանի և Ադրբեջանի ԱԳ նախարարների հանդիպմանը, դեսպանն ասաց, որ կողմնակից է երկու երկրների արտաքին քաղաքական ղեկավարների անմիջական ու կանոնավոր հանդիպումներին: «Թվում է թե այս հանդիպումից հետո կարելի է ակնկալել ավելի բարձր մակարդակի հանդիպում՝ երկու երկրների նախագահների մակարդակով»,- նշեց դեսպանը:
