20.02.2026 | 17:21
Արման Սարոյանին հոգևոր ծառայության վերականգնված Էդգար Հովհաննիսյանը մաքուր է իր խղճի առաջ․ ՏԵՍԱՆՅՈՒԹ
Հայաստանի նկատմամբ ՀԱՊԿ-ի բոլոր պարտավորությունները պահպանվում են․ Տասմագամբետով
Քաղաքականություն
04.12.2024 | 13:09
Հայաստանի նկատմամբ մեր բոլոր պարտավորությունները պահպանվում են, իսկ ՀԱՊԿ հարթակի շուրջ քննարկումներին Հայաստանի չմասնակցելը չի ազդում կազմակերպության աշխատանքի արդյունավետության վրա։ ՌԻԱ Նովոստիի փոխանցմամբ՝ այս մասին ասել է կազմակերպության գլխավոր քարտուղար Իմանգալի Տասմագամբետովը։
«Հայաստանի չմասնակցելը մեր կազմակերպությունում ընթացող բոլոր հարցերի քննարկմանը չի ազդում մեր աշխատանքի արդյունավետության վրա։ Սակայն մենք ելնում ենք այն բանից, որ Հայաստանի Հանրապետությունը մեր դաշնակիցն է, և Հայաստանի նկատմամբ մեր բոլոր պարտավորությունները պահպանվում են»,- ասել է Տասմագամբետովը։
Նա ընդգծել է, որ Հայաստանը ցանկացած պահի կարող է լիարժեքորեն վերադառնալ կազմակերպության աշխատանքներին, ՀԱՊԿ անդամ երկրների կողմից չկան առարկություններ կամ խոչընդոտներ։
Հիշեցնենք, որ նոյեմբերի 28-ին Ղազախստանում կայացել է ՀԱՊԿ Հավաքական անվտանգության խորհրդի նիստը, որին Հայաստանը չի մասնակցել։ Պաշտոնական Երևանն ամենաբարձր մակարդակով հայտարարել է ՀԱՊԿ-ում մասնակցությունը սառեցնելու մասին։
Թարգմանությունը՝ Տաթև Ֆռանգյանի
