07.10.2026 | 20:54
Թուրքիան Սաուդյան Արաբիային տեխնիկական և պաշտպանական աջակցություն է ուղարկում՝ հութիների դեմ պայքարում օգնելու համար․ Reuters
Թբիլիսիում ոստիկանությունը կրկին ցրել է ցուցարարներին. մի քանիսը բերման է ենթարկվել․ ԼՈՒՍԱՆԿԱՐՆԵՐ
Քաղաքականություն
04.12.2024 | 12:23
Չորեքշաբթի գիշերը Թբիլիսիի ոստիկանությունը Ռուսթավելի պողոտայից ամբողջությամբ հեռացրել է ցուցարարներին։ Ոստիկանության աշխատակիցները բերման են ենթարկել նրանցից մի քանիսին։ Ըստ France 24-ի՝ Վրաստանի հանրային պաշտպան Լևան Իոսելիանին ոստիկանությանը մեղադրել է ԵՄ կողմնակից ցուցարարների հետ բախումների ժամանակ «խոշտանգումների» մեջ:
Երեքշաբթի երեկոյան ոստիկանությունը ջրցան մեքենաներ և արցունքաբեր գազ է կիրառել այն բանից հետո, երբ վարչապետը ցուցարարներին սպառնացել է հաշվեհարդար տեսնել երկրում խորացող ճգնաժամի ֆոնին:
Վրաստանի վարչապետ Իրակլի Կոբախիձեն հրաժարվել է նահանջել և երեքշաբթի սպառնացել է պատժել քաղաքական հակառակորդներին՝ մեղադրելով նրանց զանգվածային ցույցերի ժամանակ բռնության համար։
Նշենք, որ զանգվածային բողոքի ցույցերը Վրաստանում վերսկսվել են այն բանից հետո, երբ երկրի վարչապետ Իրակլի Կոբախիձեն հայտարարել է, որ Թբիլիսին մինչև 2028 թվականի վերջը հրաժարվում է ԵՄ անդամակցության բանակցություններից ու եվրոպական դրամաշնորհներից։
Թարգմանությունը՝ Տաթև Ֆռանգյանի
