30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Աբխազիայի խորհրդարանը չի վավերացրել ՌԴ-ի հետ համաձայնագիրը
Քաղաքականություն
03.12.2024 | 16:52
Աբխազիայի խորհրդարանը դեմ է քվեարկել հանրապետությունում ռուսական իրավաբանական անձանց ներդրումային գործունեության մասին համաձայնագրի վավերացմանը, հայտնում է ՌԻԱ Նովոստին։
Խորհրդարանի շենքի մոտ հավաքված ընդդիմության կողմնակիցները պատգամավորներից պահանջել են չընդունել փաստաթուղթը։
Հոկտեմբերի 30-ին Մոսկվայում այս համաձայնագիրը ստորագրել են Աբխազիայի փոխվարչապետ, էկոնոմիկայի նախարար Քրիստինա Օզգանը և ՌԴ տնտեսական զարգացման նախարարության ղեկավար Մաքսիմ Ռեշոտնիկովը։ Աբխազիայի խորհրդարանը համաձայնագրի վավերացման հարցը պետք է քննարկեր նոյեմբերի 15-ին, սակայն ընդդիմության բողոքի ցույցերի ֆոնին դրանք չեղարկվեցին։
Ցուցարարները ներխուժել էին կառավարական շենքերի համալիր, այդ թվում՝ նախագահի վարչակազմ՝ պահանջելով նախագահի հրաժարականը։ Արդյունքում երկրի ղեկավար Ասլան Բժանիան լքեց պաշտոնը, հրաժարական տվեց նաև վարչապետ Ալեքսանդր Անկվաբը։ Այս իրադարձություններից հետո Բժանիան ապաստանել է Մոսկվայում։
Աբխազիայում արտահերթ նախագահական ընտրությունները նշանակված են փետրվարի 15-ին։
Թարգմանությունը՝ Տաթև Ֆռանգյանի
