30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Ուկրաինան մերժում է ՆԱՏՕ-ի անդամակցությանը փոխարինող երաշխիքները
Քաղաքականություն
03.12.2024 | 15:15
Հյուսիսատլանտյան դաշինքի անդամ երկրների արտգործնախարարների հանդիպման նախօրեին Ուկրաինայի ԱԳՆ-ն հայտարարել է, որ երկրի անվտանգության միակ իրական երաշխիքը կլինի Կիևի լիիրավ անդամակցությունը ՆԱՏՕ-ին։
Անդամակցությանը փոխարինող այլ ձևաչափերից Կիևը հրաժարվում է նախապես։
«Ունենալով Բուդապեշտի հուշագրի դառը փորձը՝ մենք չենք ընդունի ՆԱՏՕ-ին Ուկրաինայի լիիրավ անդամակցության այլընտրանքներ, սուրոգատներ կամ փոխարինողներ»,- ասվում է հայտարարությունում:
ՆԱՏՕ-ում նախարարական հանդիպումը, որն առաջինը կլինի Ուկրաինայի արտգործնախարար Անդրեյ Սիբիգայի համար, ավելի զուսպ են մեկնաբանում։
«Մենք անհամբեր սպասում ենք, որ դաշնակից երկրների արտգործնախարարները կարծիքներ կփոխանակեն Ուկրաինայում տիրող իրավիճակի վերաբերյալ և կվերահաստատեն մեր անսասան աջակցությունն Ուկրաինային»,- BBC-ին ասել է ՆԱՏՕ-ի ներկայացուցիչը:
Ըստ նրա՝ Դաշինքում ակնկալում են, որ դեկտեմբերի 3-4-ին կայանալիք հանդիպմանը, որն առաջինն է նաև նորընտիր գլխավոր քարտուղար Մարկ Ռյուտեի գլխավորությամբ, նախարարները կքննարկեն ՆԱՏՕ-ի երկրների տարածքում Ռուսաստանի թշնամական գործողությունները:
Թարգմանությունը՝ Տաթև Ֆռանգյանի
