22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Սպիտակ տունը ճնշում է գործադրում Թուրքիայի վրա՝ սիրիացի ապստամբներին զսպելու համար
Քաղաքականություն
03.12.2024 | 15:30
ԱՄՆ նախագահ Ջո Բայդենի վարչակազմը դիմել է Թուրքիային՝ զսպելու ապստամբ խմբավորումներին, որոնց նա օգնում է Սիրիայում։ Այս մասին հայտնում է KAN News-ը՝ վկայակոչելով իրավիճակին ծանոթ աղբյուրներին, փոխանցում է The Jerusalem Post-ը։
Նշվում է, որ դա արտահայտվել է ԱՄՆ պետքարտուղար Էնթոնի Բլինքենի և նրա թուրք գործընկերոջ՝ Թուրքիայի ԱԳ նախարար Հաքան Ֆիդանի հեռախոսազրույցում։
Այս շաբաթվա սկզբին ԱՄՆ-ը Սիրիայում տիրող իրավիճակի վերաբերյալ ասել է, որ նախագահ Բաշար ալ-Ասադի «ռեժիմի՝ քաղաքական գործընթացին մասնակցելուց» հրաժարումը «ստեղծել է այն պայմանները, որոնք այժմ կան»։ Սպիտակ տան հայտարարության մեջ նաև նշվում է, որ հարձակումը Ռուսաստանի և Իրանի վրա Ասադի ռեժիմի ապավինության արդյունքն է:
Հիշեցնենք, որ «Սիրիայի ազգային բանակ»-ը (SNA), որին աջակցում է Թուրքիան, այլ խմբավորումների աջակցությամբ գրավել է Հալեպն ու տարբեր բնակավայրեր։
Թարգմանությունը՝ Էմմա Չոբանյանի
