07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Վրաստանի ՊՆ ավելի քան 40 աշխատակիցներ հայտարարել են, որ դեպի ԵՄ և ՆԱՏՕ ճանապարհն այլընտրանք չունի
Քաղաքականություն
29.11.2024 | 19:14
Վրաստանի Պաշտպանության նախարարության մի քանի տասնյակ աշխատակիցներ հայտարարել են ԵՄ-ին և ՆԱՏՕ-ին անդամակցելու կուրսին իրենց հավատարմությունը՝ համարելով, որ այն այլընտրանք չունի երկրի անվտանգության համար։ Նրանք համատեղ հայտարարություն են տարածել ԵՄ-ին անդամակցելու շուրջ բանակցությունները սառեցնելու՝ կառավարության որոշման ֆոնին, գրում է Newsgeorgia-ն։
«Եվրոպական և եվրատլանտյան ինտեգրումը երկրի անվտանգության և ինքնիշխանության հետագա ամրապնդման միակ ճանապարհն է, ինչպես նաև արտաքին և անվտանգության քաղաքականության հիմնական գերակայությունը, որը հաստատված է ինչպես Վրաստանի Սահմանադրությամբ, այնպես էլ ազգային և գերատեսչական բոլոր հայեցակարգային փաստաթղթերով»,- ասվում է հայտարարության մեջ։
Դիմումի հեղինակներն ընդգծել են Վրաստանի համագործակցության կարևորությունը եվրոպական ու եվրատլանտյան կառույցների հետ, ինչպես նաև արևմտյան գործընկերների ներդրումը Վրաստանի պաշտպանական ներուժի զարգացման գործում։
Վերջին տվյալներով՝ հայտարարությունը ստորագրել է 43 մարդ։
Թարգմանությունը՝ Տաթև Ֆռանգյանի
