06.12.2025 | 13:49
Վթարային ջրանջատում Աբովյան քաղաքի մի շարք թաղամասերում
Գալուզինը հայտարարել է, թե ՌԴ-ն չի հրաժարվում ՀՀ-ի հանդեպ ռազմաքաղաքական ոլորտում պարտավորություններից
Քաղաքականություն
29.11.2024 | 15:12
Ռուսաստանը հավատարիմ է Հայաստանի հետ պայմանավորվածությունների ամբողջ համալիրին և չի հրաժարվում ռազմաքաղաքական ոլորտում իր պարտավորություններից։ Այս մասին հայտարարել է ՌԴ ԱԳ փոխնախարար Միխայիլ Գալուզինը, գրում է ՌԻԱ Նովոստին։
«Մոսկվան հավատարիմ է եղել և մնում է համաձայնությունների ամբողջ շրջանակին՝ ինչպես երկկողմ մակարդակով, այնպես էլ եվրասիական տարածքում միավորման շրջանակում։ Մենք չենք հրաժարվում դաշնակիցների հանդեպ մեր պարտավորություններից, այդ թվում՝ ռազմաքաղաքական ոլորտում»,- ասել է Գալուզինը։
Նա նշել է, թե Մոսկվան տարիներ շարունակ ձևավորել է անվտանգության ճարտարապետությունը Հարավային Կովկասում։ Գալուզինն ընդգծել է՝ Ռուսաստանի դերն այս հարցում միշտ պահանջված կլինի՝ հաշվի առնելով տարածաշրջանում և ամբողջ աշխարհում դինամիկ իրավիճակը։
«Մենք պատրաստ ենք Երևանի հետ անկեղծ և առարկայական զրույցի»,- հայտարարել է ՌԴ ԱԳ փոխնախարարը։
Թարգմանությունը՝ Էմմա Չոբանյանի
