18.07.2026 | 13:22
50 հազար արգենտինացի երկրպագուներ ժամանել են Նյու Յորք՝ ԱԱ-2026-ի եզրափակիչի համար
Գեներալին և Շիրակի մարզպետին խիստ նկատողություն եմ անում. Փաշինյան․ ՏԵՍԱՆՅՈՒԹ
Քաղաքականություն
28.11.2024 | 12:49
Շիրակի մարզում դպրոցներից մեկի դասասենյակն անվանակոչվել է ՀՀ զինված ուժերում զինծառայության մեջ գտնվող բարձրաստիճան պաշտոնյաներից մեկի անունով։
Վարչապետ Նիկոլ Փաշինյանը կառավարության նիստում անդրադարձավ խնդրին՝ նշելով, որ դա իրեն շատ տարօրինակ է թվացել։ Հետո պարզվել է, որ պրոցեսին մասնակցել է բարձրաստիճան զինվորական, ինչի մասին Պաշտպանության նախարար Սուրեն Պապիկյանը, Գլխավոր շտաբի պետը տեղյակ չեն եղել։
«Պրոցեսը տեղի է ունեցել դպրոցում, որից ԿԳՄՍ նախարարը տեղյակ չէ, ու սա տեղի է ունենում մի պայմաններում, երբ ես տասնյակ անգամներ խոսել եմ այն մասին, որ դպրոցում ամեն անկյուն պետք է ձևավորվի միայն կառավարության սահմանած ստանդարտներին համապատասխան»,- ասաց Նիկոլ Փաշինյանը։
Նա ԿԳՄՍ նախարար Ժաննա Անդրեասյանին հանձնարարել է, որ չեղարկի այդ որոշումը։
«Հայաստանում կան տասնյակ գեներալներ, հիմա էլ դպրոցները դարձնում ենք մրցակցության առարկա, թե որ դասասենյակն ում անունով կոչվի»,- ասաց նա։
Փաշինյանը խիստ նկատողություն հայտարարեց Շիրակի մարզպետին ու Գլխավոր շտաբի անձնակազմի կառավարման վարչության պետ, գեներալ Գրիգորյանին։
«Կա պետություն ու կա ապապետություն, թույլ չեմ տա որևէ մեկը ապապետության տրամաբանությամբ որևէ գործողություն անի։ Հետևանքները կլինեն համապատասխան»,- հայտարարեց Նիկոլ Փաշինյանը։
Մանրամասները՝ տեսանյութում
