09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Երևանի քաղաքապետարանի պատվիրակությունը մեկնել է Իրան
28.11.2024 | 11:56
Երևանի քաղաքապետարանի պատվիրակությունը գործուղվել է Իրանի Իսլամական Հանրապետության Սպահան քաղաք։ Այս մասին Factor.am-ը տեղեկանում է քաղաքապետարանի կայքէջից։
«Հաշվի առնելով Սպահանի քաղաքապետարանի արտաքին կապերի վարչության պետ Սեյեդ Ամին Մորթազավիի հրավերը՝ Սպահանի զբոսաշրջության, ձեռարվեստի և հյուրանոցային գործի 14-րդ միջազգային ցուցահանդեսին մասնակցելու վերաբերյալ քաղաքապետարանի աշխատակազմի մշակույթի և տուրիզմի վարչության տուրիզմի բաժնի պետ Սեդա Աղբալյանին և մշակույթի և տուրիզմի վարչության տուրիզմի բաժնի առաջատար մասնագետ Ռուզաննա Գասպարյանին գործուղել ԻԻՀ»,- ասված է Երևանի քաղաքապետի որոշման մեջ։
Նշվում է, որ գործուղման հետ կապված բոլոր ծախսերն իրականացվում են Երևան քաղաքի 2024 թվականի բյուջեի միջոցների հաշվին՝ բացառությամբ գիշերավարձի, որը հոգում է հրավիրող կողմը:
Նշենք նաև, որ այս պահին Տիգրան Ավինյանի գլխավորած պատվիրակությունն է ԱՄՆ-ում, իսկ դեկտեմբերի 4-ից 7-ը փոխքաղաքապետ Լևոն Հովհաննիսյանի գլխավորած պատվիրակությունը կգործուղվի Ֆրանսիա։
Արփի Հակոբյան
