23.06.2026 | 11:17
Խուզարկություն են իրականացնում Իշխան Սաղաթելյանի բնակարանում. ՈՒՂԻՂ
Չինաստանի ՊՆ ղեկավարին կասկածում են կոռուպցիայի մեջ․ FT
Քաղաքականություն
27.11.2024 | 17:41
Չինաստանը հետաքննություն է սկսել պաշտպանության նախարար Դոնգ Ջունի դեմ կոռուպցիոն սկանդալի հետ կապված, որն առնչվում է Ժողովրդական ազատագրական բանակի (PLA) ղեկավարությանը։ Այս մասին հայտնում է Financial Times-ը՝ հղում անելով ԱՄՆ անանուն պաշտոնյաներին։
Պարբերականի զրուցակցի տվյալներով՝ նախարարը «հետախուզության մեջ է PLA -ում կոռուպցիայի ավելի լայն հետաքննության շրջանակում»։ Նա երրորդ գործող կամ նախկին պաշտպանության նախարարն է, ում նկատմամբ հետաքննություն է ընթանում ենթադրյալ կոռուպցիայի հետ կապված:
Թե կոնկրետ ինչ մեղադրանք է առաջադրվել նրան, պարզ չէ։ Վաշինգտոնում Չինաստանի դեսպանատունը հրաժարվել է մեկնաբանել:
Դոնգ Ջունը պաշտպանության նախարար է նշանակվել 2023 թվականի դեկտեմբերին։ Նա փոխարինել է գեներալ Լի Շանգֆուին, որը պաշտոնից հեռացվել է ընդամենը յոթ ամիս աշխատելուց հետո:
Հունիսին Չինաստանի Կոմունիստական կուսակցության (ԿԿԿ) Կենտկոմի քաղբյուրոն Լի Շանգֆուին հեռացրել է «կարգապահական խախտումների» (կոռուպցիայի) համար։ Ըստ քննիչների՝ նա կաշառք է ստացել և առաջարկել, նա իր պաշտոնեական դիրքն օգտագործել է անձնական շահի համար։ Reuters-ի փոխանցմամբ՝ նրա քրեական գործը վերաբերել է ռազմական տեխնիկայի ձեռքբերման խախտումներին։ Նրա նախորդը՝ Վեյ Ֆենհեն նույնպես հեռացվել է կուսակցությունից՝ օրենքը խախտելու և կուսակցական կարգապահությունը խախտելու համար։
Թարգմանությունը՝ Տաթև Ֆռանգյանի
