24.06.2026 | 09:32
Երևանի «Սպանդարյան» գերեզմանատան մոտ քաղաքացին ընկել է ձորակը և արգելափակվել քարերի արանքում
Բայդենը գաղտնի խնդրել է Կոնգրեսին ևս 24 միլիարդ դոլարի օգնություն հատկացնել Ուկրաինային․ POLITICO
Քաղաքականություն
27.11.2024 | 13:03
ԱՄՆ նախագահ Ջո Բայդենը գաղտնի խնդրել է Կոնգրեսին ևս 24 միլիարդ դոլար հատկացնել՝ Ուկրաինային օգնելու և զենք մատակարարելու համար։ Այս մասին գրում է POLITICO-ն, որին վկայակոչում է Meduza-ն։
Լրատվամիջոցի տվյալներով՝ 16 միլիարդ դոլար կուղղվի ամերիկյան զենքի պաշարները համալրելու համար, որն ունի Ուկրաինան։ Եվս 8 մլրդ դոլար նախատեսվում է հատկացնել Ուկրաինայի Անվտանգության աջակցության նախաձեռնությանը (USAI), որի շրջանակում Պենտագոնը պայմանագրեր է կնքում արտադրողների հետ, այլ ոչ թե ուղղակիորեն իր պահեստներից սարքավորումներ և զենք տրամադրում։
Առաջարկի մանրամասները լրատվամիջոցին հաստատել են կոնգրեսականի երկու օգնականներ։ Նրանք ասել են, որ Կոնգրեսն այն ստացել է երկուշաբթի:
Բայդենի վարչակազմը ձգտում է հայտը ներառել կառավարության ընդլայնված ծախսերի փաթեթում, որը նախատեսվում է քննարկել դեկտեմբերին: Լրատվամիջոցը, սակայն, «մեծ» չի գնահատում Կոնգրեսի կողմից դիմումի հաստատման հնարավորությունները:
Թարգմանությունը՝ Էմմա Չոբանյանի
