07.10.2026 | 13:41
Թոմաս Տուխելը ռեկորդ է գրանցել Անգլիայի հավաքականում
Անկարան ԱՄՆ-ից արտոնություն է ուզում․ պատժամիջոցների պատճառով Թուրքիան չի կարողանա ՌԴ-ին վճարել բնական գազի համար
Քաղաքականություն
26.11.2024 | 16:11
Թուրքիայի էներգետիկայի և բնական պաշարների նախարար Ալփարսլան Բայրաքթարը հայտարարել է, որ «Գազպրոմբանկը», որն օգտագործվում է ներմուծված ռուսական բնական գազի վճարումների համար, ԱՄՆ-ի կողմից պատժամիջոցների ցանկում ներառումն անդրադարձել է նաև Թուրքիայի վրա։
Լրագրողների հարցին՝ «Գազպրոմբանկի» նկատմամբ ԱՄՆ-ի պատժամիջոցների որոշումը կազդի՞ Թուրքիայի վրա, Բայրաքթարը պատասխանել է․ «Իհարկե, դա կազդի։ Մենք չենք կարող գումար վճարել, իսկ եթե չկարողանանք վճարել, չենք կարող գազ գնել։ Մեր արտաքին գործերի նախարարությունը շարունակում է բանակցությունները։ Մեզ գազ է պետք մատակարարման անվտանգության համար։ Մեր արդյունաբերությունը գազի կարիք ունի։ Ինչպես գիտեք՝ նախկինում Իրանի նկատմամբ պատժամիջոցներ կային, բայց բացառություն կար բնական գազի համար։ Մենք նաև ցանկանում ենք, որ ԱՄՆ-ից նման բացառություն լինի ռուսական բնական գազի համար»։
Թուրք նախարարւ հիշեցրել է, որ Բայդենի վարչակազմը հեռանում է, ընդամենը մեկուկես ամիս է մնացել։
«Վատ նորությունն այն է, որ այս էմբարգոն դժվար է վերացնել մեկ գիշերում: Եթե Թուրքիայի համար բացառություն չարվի, թիրախը կլինի Թուրքիան, ոչ թե Ռուսաստանը»,- նշել է Բայրաքթարը։
Հավելենք, որ ավելի վաղ ԱՄՆ-ը պատժամիջոցներ էր սահմանել «Գազպրոմբանկի» և նրա վեց օտարերկրյա դուստր ձեռնարկությունների դեմ։
Թարգմանությունը՝ Էմմա Չոբանյանի
