23.06.2026 | 13:30
Կենտրոնում եք կանգառասրահներ դնում, մյուս վարչական շրջանների բնակիչներն ինչո՞վ են մեղավոր. Սարգսյան․ ՏԵՍԱՆՅՈՒԹ
Ուկրաինայի զինված ուժերը ATACMS հրթիռներով հարվածել է Կուրսկի մերձակայքում գտնվող ռազմական օդանավակայանին
Քաղաքականություն
25.11.2024 | 16:57
Ռուսական մի քանի ռազմական բլոգերներ հայտնում են, որ հրթիռային հարվածը, որի մասին Կուրսկի շրջանի նահանգապետը գրել է գիշերը, իրականացվել է Կուրսկի մերձակայքում գտնվող Խալինո ավիաբազայում։ Նշվում է, որ հարձակումն իրականացվել է 8 ATACMS հրթիռներով, որոնցից առնվազն 2-ը պայթել է ավիաբազայի տարածքում, գրում է BBC-ի ռուսական ծառայությունը։
Կուրսկի շրջանի նահանգապետ Ալեքսեյ Սմիրնովը հայտնել է, որ շրջանի երկնքում յոթ հրթիռ և յոթ անօդաչու թռչող սարք է խոցվել։ Նահանգապետը չի հստակեցրել, թե ուր էին դրանք թռչում։
Ուկրաինայի Զինված ուժերի գլխավոր շտաբը երկուշաբթի առավոտյան հայտնել է, որ գիշերը հարվածներ են հասցվել Կուրսկի, Բրյանսկի և Կալուգայի շրջանների թիրախներին, սակայն նշել է միայն մեկ կոնկրետ թիրախ՝ նավթի պահեստ Կալուգայի շրջանում։ Այն, ըստ Գլխավոր շտաբի, խոցվել է, իսկ մնացած հարձակումների հետևանքները ճշտվում են։
Ռուսական «Ռիբար» ռազմական տելեգրամ-ալիքը վերջերս արբանյակային լուսանկարներ էր հրապարակել, որոնք, ինչպես պարզաբանում է, ցույց են տալիս ինքնաթիռների համար բետոնե ապաստարանների կառուցումը ռուսական երկու ավիաբազաներում՝ Կրիմսկում և Խալինոյում։
Կուրսկի արևելյան ծայրամասի մոտ գտնվող Խալինո օդանավակայանը մինչև պատերազմի սկիզբը Կուրսկի համար ծառայել է և՛ որպես ռազմական բազա, և՛ քաղաքացիական օդանավակայան:
Թարգմանությունը՝ Տաթև Ֆռանգյանի
