25.11.2024 | 17:33
Ալեն Սիմոնյան-Հովիկ Աղազարյան հանդիպումը տեղի չի ունեցել
Թուրքիան շարունակում է ջանքեր գործադրել՝ վերջ դնելու տարածաշրջանում լարվածությանը․ Էրդողանը՝ Պուտինին
Քաղաքականություն
25.11.2024 | 13:17
ՌԴ նախագահ Վլադիմիր Պուտինն ու Թուրքիայի նախագահ Ռեջեփ Թայիփ Էրդողանը նախօրեի հեռախոսազրույցում անդրադարձել են Թուրքիա-Ռուսաստան երկկողմ հարաբերություններին, ինչպես նաև տարածաշրջանային և գլոբալ խնդիրներին։
Թուրքական կողմի հաղորդագրության համաձայն՝ Էրդողանը հայտարարել է, որ նպատակ ունեն զարգացնել Թուրքիայի և Ռուսաստանի միջև համագործակցությունը բազմաթիվ ոլորտներում, հատկապես, ապրանքաշրջանառության ծավալների ընդլայնման։
«Նախագահ Էրդողանը նշել է, որ Թուրքիան շարունակում է ջանքեր գործադրել՝ վերջ դնելու տարածաշրջանային լարվածությանը, և որ կշարունակի նպաստել խաղաղության գործընթացներին»,- ասվում է հաղորդագրության մեջ։
Կրեմլի հաղորդմամբ էլ՝ կողմերը «հոկտեմբերի 23-ին Կազանում զրույցը շարունակելով՝ առարկայական քննարկում է տեղի ունեցել երկկողմ օրակարգի ընթացիկ հարցերը՝ շեշտը դնելով առևտրատնտեսական համագործակցության արդյունավետության բարձրացման վրա»։
Թարգմանությունը՝ Էմմա Չոբանյանի
