09.09.2026 | 15:08
ՔԿ-ն կադրեր է հրապարակել Գագիկ Խաչատրյանին պատկանող առանձնատան խուզարկությունից․ ՏԵՍԱՆՅՈւԹ
Բայրամովը Գերմանիայի ԱԳ նախարարի հետ քննարկել է ՀՀ-ի հետ խաղաղության գործընթացը
Քաղաքականություն
22.11.2024 | 21:00
Ադրբեջանի և Գերմանիայի արտաքին գործերի նախարարները հանդիպել են։ Ադրբեջանի ԱԳՆ հաղորդմամբ՝ երկրի արտգործնախարար Ջեյհուն Բայրամովը հանդիպել է այցով Բաքվում գտնվող Գերմանիայի ԱԳ նախարար Անալենա Բերբոքին։
Նշվում է, որ կողմերը քննարկել են երկկողմ ու բազմակողն օրակարգը, ինչպես նաև՝ COP29-ի շրջանակներում ընթացող բանակցությունները։ «Նախարարները քննարկել են նաև տարածաշրջանում հետհակամարտային իրավիճակը, Ադրբեջան-Հայաստան հարաբերությունների կարգավորման գործընթացի ներկա վիճակը, ինչպես նաև՝ խաղաղության գործընթացին առնչվող մարտահրավերները»,- ասվում է Ադրբեջանի ԱԳՆ հայտարարության մեջ։
Բայրամովը վերահաստատել է «Ադրբեջանի դեմ համակարգված կողմնակալ և անհիմն զրպարտչական արշավի վերաբերյալ մտահոգությունները և ուշադրություն հրավիրել Ադրբեջանի դիրքորոշման վրա»։
Հիշեցնենք, որ նախօրեին Բերբոքը Բաքվում մամուլի ասուլիսում հայտարարել էր, որ Գերմանիան հանդես է գալիս Ադրբեջանի իշխանությունների քննադատների ազատ արձակման օգտին, և ինքը այդ հարցը բարձրացնելու է Ադրբեջանի ԱԳ նախարար Ջեյհուն Բայրամովի հետ հանդիպման ժամանակ։
Թարգմանությունը՝ Էմմա Չոբանյանի
