21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
ԵԽԽՎ անդամների մուտքի արգելքը անընդունելի է.Գերմանիայի ԱԳ նախարարը Բաքվում կոչ է արել ազատ արձակել ձերբակալված ակտիվիստներին ու ընդդիմադիրներին
Քաղաքականություն
21.11.2024 | 22:27
Այսօր Բաքու ժամանած Գերմանիայի արտաքին գործերի նախարար Անալենա Բերբոքը մամուլի ասուլիս է հրավիրել COP29 կլիմայական համաժողովի շրջանակում։
«Թուրան» գործակալության հաղորդմամբ՝ Ադրբեջանում կալանավորված կլիմայական ակտիվիստների և ընդդիմադիրների մասին հարցին ի պատասխան նա նշել է, որ Գերմանիան հանդես է գալիս իշխանությունների քննադատների ազատ արձակման օգտին, և ինքը այդ հարցը բարձրացնելու է Ադրբեջանի ԱԳ նախարար Ջեյհուն Բայրամովի հետ հանդիպման ժամանակ։
«Անկախ կլիմայական այս համաժողովից, մարդու իրավունքների իրավիճակը միշտ եղել է Գերմանիայի և Ադրբեջանի կառավարության միջև քաղաքական քննարկումների մաս:Ադրբեջանում մարդու իրավունքների վիճակը տագնապալի է. Լրատվամիջոցների աշխատակիցների, ակտիվիստների և ընդդիմության ներկայացուցիչների ձերբակալությունները խիստ մտահոգիչ են»,-ասել է Բերբոքը։
Նա նշել է,որ նաև դեպքեր, որոնք սերտորեն կապված են Գերմանիայի հետ, օրինակ՝ տնտեսագետ Գուբադ Իբադօղլուի երկրից հեռանալու արգելքը, որի մասին մանրամասն խոսել է այստեղ Բաքու իր վերջին այցի ժամանակ, ինչպես նաև դրանից հետո ունեցած քննարկումներում։
«Որպես Գերմանիայի արտգործնախարար՝ ուզում եմ ասել, որ Եվրոպայի խորհրդի խորհրդարանական վեհաժողովի 76 անդամների մուտքի արգելքը բացարձակապես անընդունելի է։ Դրանք ազդում են նաև Բունդեսթագի գերմանացի պատգամավորների վրա և անհամատեղելի են ԵԽ-ում Ադրբեջանի ստանձնած պարտավորությունների հետ»,- ընդգծել է Անալենա Բերբոքը։
Թարգմանությունը՝ Էմմա Չոբանյանի
