08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՆԱՏՕ-ն և ԱՄՆ-ն հայտարարել են Կիևին իրենց աջակցությունը շարունակելու մտադրության մասին
Քաղաքականություն
22.11.2024 | 10:55
Ռուսաստանի կողմից Ուկրաինային հարվածելու համար նոր միջին հեռահարության բալիստիկ հրթիռի օգտագործումը չի հանգեցնի նրան, որ ՆԱՏՕ-ի դաշնակիցները հրաժարվեն Կիևին աջակցելուց: Այսպիսի հայտարարություն է արել Հյուսիսատլանտյան դաշինքի պաշտոնական ներկայացուցիչ Ֆարահ Դախլալլան, փոխանցում է DW-ի ռուսական ծառայությունը։
«Այդ կարողության կիրառումը չի փոխի հակամարտության ընթացքը և չի խանգարի ՆԱՏՕ-ի դաշնակիցներին Ուկրաինային աջակցել», – ասել է նա: Դախլալլան դատապարտել է «Ուկրաինայի խաղաղ բնակչությանը և Կիևի դաշնակիցներին ահաբեկելու» Ռուսաստանի փորձերը։
Նոյեմբերի 21-ին կայացած ճեպազրույցում նման հայտարարություն է արել նաև Սպիտակ տան մամուլի քարտուղար Կարին Ժան Պիերը։ Մեկնաբանելով Ռուսաստանի՝ միջին հեռահարության բալիստիկ հրթիռով Ուկրաինայի վրա հարձակումը, նա նշել է, որ Ուկրաինան արդեն ենթարկվել է նման «ռուսական անթիվ հարձակումների»։
Նա հավելել է, որ Միացյալ Նահանգները շարունակում է Ուկրաինային մատակարարել հարյուրավոր լրացուցիչ Patriot և AMRAAM հրթիռներ՝ հակաօդային պաշտպանությունն ուժեղացնելու համար։
Թարգմանությունը՝ Տաթև Ֆռանգյանի
