Գերմանիայի ԱԳ նախարարը այցով Բաքվում է

Գերմանիայի ԱԳ նախարար Անալենը Բերբոքը ՄԱԿ-ի կլիմայական համաժողովին մասնակցելու նպատակով Բաքվում է։  Ադրբեջանական լրատվամիջոցների հաղորդմամբ՝ Բերբոքը Բաքվում COP29-ի շրջանակներում մասնակցել է ասուլիսի։ Նա նշել է, որ Գերմանիան և Եվրոպան ակտիվորեն աշխատում են COP29-ում կլիմայի օրակարգում հաջողության հասնելու համար:

«Գերմանիան և Եվրոպան ակտիվորեն մասնակցում են կլիմայական կոնֆերանսին, ի վերջո, կլիմայական ճգնաժամը, մնացած բոլոր մարտահրավերների համատեքստում, անվտանգության քաղաքականության ամենամեծ սպառնալիքն է ինչպես այսօր, այնպես էլ առաջիկա տասնամյակներում։ Մենք արդեն սուր ենք զգում դրա ազդեցությունն ամբողջ աշխարհում և գիտենք, որ այն միայն կուժեղանա, եթե չհասցնենք գոնե մոտենալ 1,5 աստիճանի նշագծին»,- նշել է նա։  Ըստ Բերբոքի՝ Եվրամիությունը և Գերմանիան պատրաստ են համագործակցել կլիմայի փոփոխությունների դեմ պայքարի ֆինանսավորման հարցում։

«Վերջնական փաստաթուղթը դեռ պատրաստ չէ, բայց դրա համաձայնեցումը շատ կարևոր է։ Այս ոլորտում նույնիսկ ամենաչնչին առաջընթացը չափազանց կարևոր է։ Մենք առաջարկում ենք ստեղծել միջմայրցամաքային կլիմայական կոալիցիա։ Սա խնդիր չէ, որ դեմ մի երկիր կարող է միայնակ պայքարել։ Ֆինանսավորման շուրջ համաձայնության հասնելը էական նշանակություն ունի կլիմայի փոփոխության հետ բախվող երկրների կարիքները բավարարելու համար»,- հայտարարել է Գերմանիայի ԱԳ նախարարը։

Հիշեցնենք, որ Բերբոքն ավելի վաղ այցով Հայաստանում էր։

Թարգմանությունը՝ Էմմա Չոբանյանի