08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ուկրաինայի ԱԳՆ-ն՝ Կիևում դեսպանությունների փակման մասին
Քաղաքականություն
20.11.2024 | 20:46
Ուկրաինայի ԱԳ նախարարությունը նոյեմբերի 20-ին Կիևում մի քանի դեսպանատների փակումն անվանել է «լրացուցիչ տեղեկատվական ճնշում», գրում է BBC-ի ռուսական ծառայությունը։
«Կարծում ենք՝ ճիշտ կլինի, որ գործընկերները պատերազմի 1001-րդ օրն արձագանքեին նույն կերպ, ինչպես նախորդ հազար օրերին՝ առանց որևէ լրացուցիչ տեղեկատվական ճնշման»,- ասվում է նախարարության հայտարարությունում։
Հիշեցնենք՝ չորեքշաբթի առավոտյան ԱՄՆ-ը փակել է Կիևում իր դեսպանատունը՝ «պոտենցիալ զգալի օդային հարձակման մասին կոնկրետ տեղեկատվության պատճառով»։ ԱՄՆ-ի նախազգուշացումից հետո դռները փակել են Իսպանիայի, Իտալիայի և Հունաստանի դեսպանատները, իսկ Ֆրանսիայի և Գերմանիայի դեսպանատները բաց են մնացել, սակայն քաղաքացիներին կոչ են արել զգույշ լինել։
Ուկրաինայի Պաշտպանության նախարարության գլխավոր հետախուզության վարչությունը ևս հայտարարել է, որ ուկրաինական քաղաքների վրա «հատկապես զանգվածային» հրթիռային և ռմբակոծությունների մասին հաղորդագրությունները, որոնք տարածվում են սոցիալական ցանցերում և Գլխավոր հետախուզության վարչության անունից մեսենջերներում ու սոցկայքերում, ռուսական կեղծիք են։
Հիշեցնենք նաև, որ Կիևում ցերեկն օդային հարվածների մասին ահազանգ է հայտարարվել։
Թարգմանությունը՝ Տաթև Ֆռանգյանի
