18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ուկրաինային «առանձնակի զանգվածային» հրթիռային հարվածի սպառնալիքի մասին լուրերը կեղծ են․ հետախուզություն
Քաղաքականություն
20.11.2024 | 18:51
Ռուսաստանը զանգվածային տեղեկատվական և հոգեբանական հարձակում է իրականացնում Ուկրաինայի դեմ «առանձնակի զանգվածային» հարվածի սպառնալիքի վերաբերյալ կեղծ լուրեր տարածելով, հայտնում է Ուկրաինայի պաշտպանության նախարարության գլխավոր հետախուզության վարչությունը, փոխանցում է BBC-ի ռուսական ծառայությունը։
Նշվում է, որ ՌԴ իշխանությունները մեսենջերների ու սոցցանցերի միջոցով Ուկրաինայի Հետախուզության գլխավոր վարչության անունից կեղծ լուրեր են տարածում։ Հաղորդագրություններում ասվում է ուկրաինական քաղաքների «առանձնակի զանգվածային» հրթիռակոծության և ռմբակոծության մասին, որոնք, իբր, պետք է տեղի ունենան նոյեմբերի 20-ին։
Հիշեցնենք, որ այսօր Կիևում միանգամից մի քանի դեսպանատներ դադարեցրել են աշխատանքը Ռուսաստանից օդային հարձակման հնարավոր սպառնալիքի պատճառով։ ԱՄՆ-ից հետո Իսպանիան, Իտալիան և Հունաստանը հայտարարեցին Կիևում իրենց դեսպանատներն այցելուների համար փակելու մասին։
Թարգմանությունը՝ Տաթև Ֆռանգյանի
