08.10.2026 | 18:48
Առանց ակումբի մնացած ամենաթանկ ֆուտբոլիստները՝ ըստ Transfermarkt-ի
Ռուսական ինքնաթիռից 250 կգ-անոց ռումբն ընկել է ՌԴ Բելգորոդի շրջանի դպրոցի վրա
Քաղաքականություն
20.11.2024 | 18:19
ՌԴ Բելգորոդի շրջանում ռուսական ռազմական ինքնաթիռից ավիառումբ է ընկել Յակովլևսկի շրջանի Բիկովկա գյուղի դպրոցի վրա, որը գտնվում է Ուկրաինայի հետ սահմանից 45 կիլոմետր հեռավորության վրա, հաղորդում է Meduza-ն։
Տեղական «Пепел» լրատվականի և Astra տելեգրամ-ալիքի տվյալներով՝ դեպը տեղի է ունեցել նոյեմբերի 19-ի գիշերը։ Խոսքը 250 կիլոգրամանոց ավիառումբի մասին է, որն «անսպասելիորեն ընկել է» և ծակել եռահարկ դպրոցի շենքի տանիքը, պարզաբանում է Astra-ն՝ վկայակոչելով տարածաշրջանի արտակարգ ծառայություններին։
Չպայթած ռումբը դպրոցի դասասենյակներից մեկում է։ Միջադեպի հետևանքով զոհեր և վիրավորներ չկան։
Բիկովկայում աշխատող ուսուցիչներից մեկը հայտնել է, որ դպրոցը նոյեմբերի 19-ին անցել է հեռավար ուսուցման, սակայն ուսումնական հաստատությունը կատարվածի վերաբերյալ պաշտոնական մեկնաբանություններ չի տալիս։
Թարգմանությունը՝ Էմմա Չոբանյանի
