06.12.2025 | 19:41
ԿԳՄՍ նախարարությունը մեկնարկել է վորկաութի և առողջ ապրելակերպի խթանման ծրագիր
Եվրոպացի բնապահպանների բողոքի ակցիան՝ Բաքվի կողմից էթնիկ զտումների և հայկական տարածքների օկուպացիայի դեմ
Քաղաքականություն
20.11.2024 | 19:34
Եվրոպացի բնապահպան ակտիվիստները բողոքի ակցիա են կազմակերպել նոյեմբերի 18-22-ը Բրյուսելում անցկացվող Ջրածնի եվրոպական շաբաթվա ընթացքում՝ դատապարտելով Եվրամիության կողմից աջակցվող կանաչ ջրածնի նախագծերը, որոնք, ըստ նրանց, նպաստել են Ադրբեջանի օկուպացիային և հայերի նկատմամբ մարդու իրավունքների խախտումներին:
Բողոքի ակցիայի տեսանյութը տարածվել է համացանցում։
«Ես զզվել եմ «կանաչ լվացված» (greenwashed) էթնիկ զտումներից: Ես զզվել եմ եվրոպական բանկերից, որոնք ֆինանսավորում են Ադրբեջանի կողմից հայկական հողերի օկուպացիան կանաչ ջրածնի քողի տակ: Տոնակատարություն COP-ում, մինչդեռ 100,000 մարդ ստիպված է եղել լքել իրենց տները: Կանաչ ջրածին, ի՞նչ գնով: Դուք լվանում եք ցեղասպանությունը։ Դադարեցրե՛ք կանաչ գաղութատիրությունը»,- հայտարարել են ցուցարարները, մինչ անվտանգության աշխատակիցները նրանց դուրս են բերել տարածքից։
Նրանք նաև հայտարարել են, որ այդ խնդիրը կա նաև Նամիբիայում, Պաղեստինում, միաժամանակ, քննադատել Եվրոպայի կողմից աջակցվող նախագծերը հողերի յուրացման, ռեսուրսների շահագործման և մարդու իրավունքների խախտումների համար:
Թարգմանությունը՝ Էմմա Չոբանյանի
