08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պուտինը պատրաստ է Թրամփի հետ քննարկել խաղաղությունը՝ առանց Ուկրաինային տարածքային զիջումների. Reuters
Քաղաքականություն
20.11.2024 | 12:34
ՌԴ նախագահ Վլադիմիր Պուտինը բաց է Դոնալդ Թրամփի հետ Ուկրաինայում հրադադարի մասին համաձայնագրի քննարկման համար, գրում է Reuters-ը՝ հղում անելով հինգ աղբյուրների։ Գործակալությունը պարզաբանում է, որ Պուտինը բացառում է նշանակալի տարածքային զիջումների հնարավորությունը։ Նշվում է նաև, որ Ռուսաստանը չի հանդուրժի Ուկրաինայի անդամակցությունը ՆԱՏՕ-ին կամ ՆԱՏՕ-ի զորքերի ներկայությունը Ուկրաինայի տարածքում։
Ռուսաստանի նախկին և ներկա պաշտոնյաների հետ զրույցները վկայակոչելով՝ Reuters-ը գրում է նաև, որ Կրեմլն ամբողջությամբ կարող է համաձայնել սառեցնել հակամարտությունը առաջնագծում։ Կարելի է բանակցություններ վարել չորս շրջանների՝ ինքնահռչակ Դոնեցկի և Լուգանսկի հանրապետությունների, Զապորոժիեի և Խերսոնի շրջանների նոր սահմանների հստակ սահմանման շուրջ։
Գործակալության աղբյուրները կարծում են, որ Ռուսաստանը կարող է հրաժարվել Խարկովի և Նիկոլաևի շրջաններում գտնվող տարածքներից։
Ավելի վաղ ՌԴ նախագահի մամուլի քարտուղար Դմիտրի Պեսկովն անընդունելի էր անվանել առաջնագծի երկայնքով հակամարտության սառեցումը։
Թարգմանությունը՝ Տաթև Ֆռանգյանի
