Քաղաքականություն
20.11.2024 | 11:15
Ռուսաստանի պաշտպանության նախարարությունը հայտարարել է, որ չորեքշաբթի գիշերը ուկրաինական 44 անօդաչու թռչող սարք է խոցել կամ որսացել Ռուսաստանի շրջաններում։
Նախարարությունը պնդում է, որ 20 անօդաչու թռչող սարք են խոցել Նովգորոդի շրջանում, 5-ը՝ Կուրսկի, 4-ը՝ Օրյոլի, 3-ական՝ Բելգորոդի, Տուլայի և Տվերի, և 2-ական անօդաչու թռչող սարք Բրյանսկի, Մոսկվայի և Սմոլենսկի շրջաններում, փոխանցում է BBC-ի ռուսական ծառայությունը։
Telegram-ում էլ տարածվել է Սմոլենսկի մարզի նահանգապետ Վասիլի Անոխինի հաղորդագրությունը, որում ասվում է, որ մարզում 7 անօդաչու թռչող սարք է խոցվել։ Բացի այդ, մի փոքր ավելի վաղ էլ Սամարայի մարզի նահանգապետ Վյաչեսլավ Ֆեդորիշչևն էր հայտարարել 6 կործանված անօդաչու թռչող սարքերի մասին։
Պաշտպանության նախարարությունը հայտնել է, որ տեղական ժամանակով ժամը 21.00-ից մինչև կեսգիշեր 6 շրջաններում խոցվել է ուկրաինական 42 անօդաչու թռչող սարք։
Թարգմանությունը՝ Տաթև Ֆռանգյանի
