01.05.2026 | 23:26
Հարյուր հազարավոր մարդիկ Գերմանիայում մայիսմեկյան ցույցերի են դուրս եկել
Ադրբեջանի ԳՇ պետը Պակիստանում նոր զինատեսակների է ծանոթացել
Քաղաքականություն
19.11.2024 | 22:38
Ադրբեջանի պաշտպանության նախարարի առաջին տեղակալ, բանակի գլխավոր շտաբի պետ, գեներալ-գնդապետ Քերիմ Վելիևն այցելել է Պակիստան՝ մասնակցելու IDEAS-2024 12-րդ միջազգային պաշտպանական ցուցահանդեսին և սեմինարին:
Ադրբեջանական լրատվամիջոցների հաղորդմամբ՝ ռազմաօդային և ռազմածովային ուժերի բարձրաստիճան սպաներից կազմված պատվիրակությունը ծանոթացել է ցուցահանդեսում ներկայացված պաշտպանության և անվտանգության ոլորտում տեխնոլոգիաներին, տարբեր նշանակության զենքի և ռազմական տեխնիկայի նմուշներին։
Հաղորդվում է, որ Քերիմ Վելիևը հանդիպել է Պակիստանի ռազմավարական պլանների վարչության գլխավոր տնօրեն, գեներալ-լեյտենանտ Յուսուֆ Ջամալի հետ։ Հանդիպմանը քննարկվել են ռազմական և ռազմատեխնիկական ոլորտներում համագործակցության հարցեր։
Թարգմանությունը՝ Էմմա Չոբանյանի
