25.04.2026 | 20:38
Գարիկ Կարապետյանը` Եվրոպայի եռակի չեմպիոն, Սիմոն Մարտիրոսյանը մեդալ չնվաճեց
Մոսկվան Իսրայելի դեսպանին ԱԳՆ է կանչել
Քաղաքականություն
18.09.2018 | 15:47
ՌԴ-ում Իսրայելի դեսպանին ԱԳՆ են կանչել Սիրիայում Իլ-20 ռուսական ռազմական ինքնաթիռի կործաման առնչությամբ. գրում է ria.ru-ն:
Նախօրեին հաղորդվել էր, որ ժամը 23:00-ի սահմաններում, Հմեյմիմ ավիաբազա վերադառնալիս Սիրիայի ափից 35 կիլոմետր հեռավորության վրա կորել է ռուսական Իլ-20 ինքնաթիռի անձնակազմի հետ կապը: Ինչպես տեղեկացնում է ՌԴ ՊՆ-ն՝ Իլ-20-ը կորել է ռադարներից Լաթաքիա շրջանում սիրիական օբյեկտների ուղղությամբ չորս իսրայելական F-16 ինքնաթիռների գրոհի ժամանակ: Գերատեսչության տվյալներով՝ ռուսական ինքնաթիռը կործանվել է այն բանից հետո, երբ իսրայելցի օդաչուներն այն դրել են սիրիական հակաօդային պաշտպանության հարվածի տակ: Ռուսական Իլ-20 ինքնաթիռը կործանվել է սիրիական C-200 հակաօդային պաշտպանության համալիրի հրթիռի կողմից, զոհվել է 15 ռուս զինծառայող:
Նշվում է, որ իսրայելական ինքնաթիռները կանխամտածված վտանգավոր իրավիճակ են ստեղծել Լաթաքիայի շրջանում: ՌԴ-ն Իսրայելի սադրիչ գործողությունները որակել է որպես «թշնամական» և հայտարարել է, որ իրեն համերժեք պատասխան գործողությունների իրավունք է վերապահում:
