28.04.2025 | 12:29
Իրանի նախագահն Ադրբեջան է մեկնել․ ՏԵՍԱՆՅՈՒԹ
ՌԴ-ում նախկին պատգամավորին «ֆեյքերի» գործով հեռակա կարգով դատապարտել են 8 տարվա ազատազրկման
Քաղաքականություն
19.11.2024 | 22:26
Մոսկվայի նախկին մունիցիպալ պատգամավոր Անաստասիա Բրյուխանովան հեռակա դատապարտվել է 8 տարվա ազատազրկման՝ 2022 թվականի մարտին ուկրաինական Բուչայում տեղի ունեցած իրադարձությունների մասին տեսանյութի համար, հայտնում է «Осторожно, новости» տելեգրամ ալիքը, փոխանցում է BBC-ի ռուսական ծառայությունը։
«Ո՞վ է Բուչայում հանցագործություն կատարել» տեսանյութը, որը պատրաստվել է The New York Times-ի հետաքննության հիման վրա, հրապարակվել է «Օբյեկտիվ» յութուբյան ալիքում 2022 թվականի դեկտեմբերին։ Բրյուխանովան, որը ներկայում Ռուսաստանի սահմաններից դուրս է, ասել է, որ տեսահոլովակը «գրեթե բառացի» վերապատմում է The New York Times-ի պատմությունը:
Մեղադրող կողմը պնդում է, որ տեսանյութը կարող էր ռուսների մոտ անհանգստություն և անապահովության զգացում առաջացնել: Ըստ Mediazona-ի՝ մեղադրող կողմի միակ վկան, որը դատարան է ներկայացել, 21-ամյա ուսանողուհի է եղել։
Բրյուխանովայի դեմ գործը հարուցվել էր 2023 թվականի ապրիլին, իսկ անցած տարվա հունիսին նրա նկատմամբ հետախուզում էր հայտարարվել։
Թարգմանությունը՝ Տաթև Ֆռանգյանի
