23.06.2026 | 11:23
Ուկրաինական ԱԹՍ-ները կրկին հարձակվել են Ղրիմի վրա․ թիրախում են եղել նավթաբազան, նավթամթերքի տերմինալն ու նավահանգիստը
Դեռևս քննարկվում է Ուկրաինայի կողմից ՌԴ-ի խորքում հարվածների արգելքը հանելու հարցը. Ֆրանսիայի ԱԳՆ
Քաղաքականություն
18.11.2024 | 19:33
Ֆրանսիայի արտաքին գործերի նախարար Ժան-Նոել Բարոն հայտարարել է, որ Փարիզը չի փոխել դիրքորոշումը Ռուսաստանի թիրախներին ուկրաինական հեռահար զինատեսակներով հարվածների սահմանափակումների հնարավոր վերացման վերաբերյալ։ Նախօրեին ԶԼՄ-ներում տեղեկություն հայտնվեց, որ Ֆրանսիան և Մեծ Բրիտանիան, ԱՄՆ-ին հետևելով, Ուկրաինայի Զինված ուժերին թույլատրել են հարվածներ հասցնել Ռուսաստանի տարածքի խորքերը, սակայն այս լուրերը հեռացվել են կայքերից։
«Մենք բացահայտ ասել ենք՝ սա տարբերակ է, որը մենք կքննարկեինք, եթե հնարավորություն տար խոցել թիրախները, որտեղից այժմ Ռուսաստանը հարձակվում է ուկրաինական տարածքի վրա։ Այնպես որ՝ այս հարցում ոչ մի նոր բան չկա»,- ասել է Ժան-Նոել Բարոն Բրյուսելում Եվրամիության ԱԳ նախարարների խորհրդից առաջ, փոխանցում է Reuters-ը:
Եվրոպական դիվանագիտության ղեկավար Ժոզեպ Բորելն էլ հայտնել է, որ ԵՄ արտգործնախարարները նոյեմբերի 18-ին կքննարկեն Ռուսաստանի խորքում արևմտյան զենքով հարվածների սահմանափակումների վերացման հարցը։ Բորելը, որը պաշտպանում է Ուկրաինայի՝ այդ նպատակների համար մատակարարված զենք օգտագործելու իրավունքը, մտադիր է ստանալ ԵՄ անդամ երկրների աջակցությունը։
Թարգմանությունը՝ Տաթև Ֆռանգյանի
