30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ-ն հարվածել է ուկրաինական Սումիին․ տասնյակ զոհեր և վիրավորներ կան
Քաղաքականություն
18.11.2024 | 12:50
Ռուս զինվորականները նոյեմբերի 17-ի ուշ երեկոյան հարվածներ են հասցրել Սումիին։ Հրթիռը հարվածել է ինը հարկանի բնակելի շենքին, ինչի հետևանքով զոհեր և տասնյակ վիրավորներ կան։ Այս մասին հայտնել են Սումիի քաղաքապետի պաշտոնակատար Արտեմ Կոբզարը և Ուկրաինայի նախագահ Վլադիմիր Զելենսկին, փոխանցում է Current Time-ը։
Երկրի արտակարգ իրավիճակների պետական ծառայության տվյալներով՝ զոհվել է 10 մարդ, այդ թվում՝ 2 երեխա։ Սումիի մարզի դատախազությունը հստակեցրել է, որ խոսքը 8-ամյա տղայի և 14-ամյա աղջկա մասին է։ Վիրավորների թիվը, ըստ գերատեսչության, գերազանցել է 50-ը։
Ուկրաինայի արտակարգ իրավիճակների պետական ծառայության տվյալներով՝ ավելի քան 400 մարդ տարհանվել է վնասված տներից։
Ընդհանուր առմամբ, Սումիի վրա հրթիռային հարձակման արդյունքում, տեղի իշխանությունների տվյալներով, վնասվել են առնվազն տասը բարձրահարկ շենքեր, ինչպես նաև տասնյակ մեքենաներ։ Իշխանությունները քաղաքի վրա հարձակումն անվանում են ամենաավերիչներից մեկը պատերազմի սկզբից ի վեր:
Թարգմանությունը՝ Տաթև Ֆռանգյանի
