23.06.2026 | 15:43
Ռուսաստանի ևս մի քանի շրջաններում բենզինի և դիզելային վառելիքի վաճառքի սահմանափակումներ են մտցվել
Աբխազիայում բանակցություններ են սկսվել իշխանությունների և ընդդիմության միջև
Քաղաքականություն
15.11.2024 | 20:20
Աբխազիայում իշխանությունների և ընդդիմության միջև բանակցություններ են սկսվել կառավարական շենքերի համալիրի գրավումից հետո։ Հանրապետության ինքնիշխանության պաշտպանության կոմիտեի նախագահ Լևան Միկաան ասել է, որ ընդդիմության ներկայացուցիչները պահանջում են երկրի նախագահ Ասլան Բժանիայի հրաժարականը, գրում է Կոմերսանտը։
Աբխազական ընդդիմության առաջնորդներից Ադգուր Արձինբան հայտնել է, որ պատգամավորների և ընդդիմադիրների խումբ է ուղարկվել երկրի գործող նախագահի մոտ՝ հրաժարականի և արտահերթ նախագահական ընտրություններ անցկացնելու պահանջով։ Նա «Ինտերֆաքս»-ին ասել է, որ պետք է հրաժարական տան նաև փոխնախագահն ու վարչապետը։
Այժմ բողոքի ցույցի մասնակիցները վերահսկում են Սուխումի կառավարական շենքերի ամբողջ համալիրը։ Դրանից հետո իրավապահները, ովքեր պատասխանատու էին շենքում կարգուկանոնի պահպանման համար, սկսել են լքել շենքերը։ Պաշտոնյաներին նախապես տարհանել են։
Հիշեցնենք, որ բողոքի պատճառ է դարձել Ռուսաստանի հետ համաձայնագրի վավերացումը, որը թույլ է տալիս ռուսական ընկերություններին ներդրումային ծրագրեր իրականացնել Աբխազիայում։
Թարգմանությունը՝ Տաթև Ֆռանգյանի
