11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Լիբանանում կրակ են բացել ՄԱԿ-ի խաղաղապահների ուղղությամբ
Քաղաքականություն
15.11.2024 | 14:25
Անհայտ անձինք կրակել են բացել Լիբանանում ՄԱԿ-ի ժամանակավոր խաղաղապահ ուժերի վրա (UNIFIL): Նրանք շարժվել են Իսրայելի հետ սահմանի երթուղով։ Մինչ այս, ըստ առաքելության մամուլի ծառայության, խաղաղապահները հայտնաբերել են զինամթերքի պահեստ, որի մասին հայտնել են լիբանանյան բանակին։
«Նրանք (խաղաղապահները) դուրս են եկել մեքենայից, որպեսզի մաքրեն ճանապարհին թափված կույտերը։ Երբ նորից մեքենաներն են նստել, երկու-երեք անհայտ անձինք շուրջ 30 կրակոց են արձակել նրանց ուղղությամբ։ Պարզ չէ՝ արդյ՞ոք զենքի պահոցի հայտնաբերումն ու հարձակումն անմիջական կապ ունեն»,- ասվում է UNIFIL կայքում հրապարակված հայտարարության մեջ:
Նշվում է, որ խաղաղապահները պատասխան կրակ են բացել հարձակվողների ուղղությամբ։ Ոչ ոք չի տուժել, խաղաղապահների պարեկային մեքենաները նույնպես չեն վնասվել։
UNIFIL -ն ընդգծել է, որ խաղաղապահների վրա կրակելը «միջազգային իրավունքի կոպտագույն խախտում է»։ Առաքելությունը Լիբանանի իշխանություններից պահանջել է հետաքննություն անցկացնել և մեղավորներին պատասխանատվության ենթարկել։ Կողմերի համաձայնությամբ՝ առաքելության ներկայացուցիչների անվտանգության պատասխանատվությունը կրում են հենց Լիբանանի իշխանությունները։ UNIFIL-ը սեփական հետաքննությունն է սկսել։
ՄԱԿ-ի խաղաղապահ ուժերը Լիբանանում են 1978 թվականից։
Թարգմանությունը՝ Տաթև Ֆռանգյանի
