11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Զելենսկին հայտարարել է, որ հաջորդ շաբաթ կներկայացվի երկրի «Դիմադրողականության պլանը»
Քաղաքականություն
15.11.2024 | 12:34
Ուկրաինայի իշխանություններն աշխատում են պատերազմի ժամանակ երկրի գործողությունների ներքին՝ «դիմադրողականության պլանի» վրա: Այդ մասին նախօրեին տեսաուղերձում հայտարարել է Ուկրաինայի նախագահ Վլադիմիր Զելենսկին, իսկ նրա գրասենյակը ծրագրի որոշ մանրամասներ է հրապարակել։
Հայտարարության մեջ ասվում է, որ շարունակում են աշխատել՝ նախապատրաստելու ներքին «Դիմադրողականության պլանը»՝ այն, ինչ անհրաժեշտ է, որ Ուկրաինան կանգուն մնա։ Օրինակ՝ այն ներառելու է մշակութային ինքնիշխանությունը, որը վերաբերում է Ուկրաինայի մշակութային ժառանգությանը, ժամանակակից մշակույթին, մշակութային դիվանագիտությանը, ուկրաինական բովանդակության արտադրությանը:
Նշվում է, որ լինելու է ներքին անվտանգության կետ, որը ենթադրում է անվտանգություն ամբողջ երկրում, յուրաքանչյուր շրջանում, յուրաքանչյուր համայնքում:
Արդեն մշակված են կետեր էներգետիկայի հետ կապված, ինչպես նաև զենքի վերաբերյալ, մասնավորապես, արտադրությունը և համագործակցությունը գործընկերների հետ։
«Ընդհանուր առմամբ, կա 10 կետ, որոնք կներկայացվեն հաջորդ շաբաթ, և յուրաքանչյուր կետի համար Ուկրաինայի քաղաքացիական հասարակության հետ միասին, բոլորի հետ միասին, ովքեր պատրաստ են այն համալրել ռացիոնալ գաղափարներով, կպատրաստենք հիմնարար, դոկտրինալ փաստաթուղթ»,- ասվում է հայտարարության մեջ։
Նշվում է, որ երկրի ներքին հնարավորություններն ուղղվելու են հանուն Ուկրաինայի հաղթանակի։
Թարգմանությունը՝ Էմմա Չոբանյանի
