15.12.2025 | 19:29
NAN-ի վտանգավոր խմբաքանակները Հայաստան չեն ներմուծվել. ՍԱՏՄ
Մոսկվայում զորակոչի ենթակա անձանց ծանուցվել է ՌԴ-ից դուրս գալու արգելքի մասին
Քաղաքականություն
13.11.2024 | 17:39
Մոսկվայի զինկոմիսարիատները սկսել են SMS հաղորդագրություն ուղարկել ժամկետային զինծառայության ենթակա անձանց, որում ասվում է, որ նրանց նկատմամբ սահմանափակումներ են մտցվել՝ ծանուցում ստանալուց հետո զինկոմիսարիատ չներկայանալու համար: Այս մասին գրել է «Важные истории»-ն՝ հղում անելով Գիտակցված հրաժարվողների շարժման (ДСО) իրավաբան Արտյոմ Կլիգային։
Իրազեկումներում, մասնավորապես, ասվում է, որ ժամկետային զինծառայողներին արգելվում է լքել Ռուսաստանը։
«Զինվորական ծառայության զորակոչից հետագա խուսափելու համար Ռուսաստանի Դաշնության օրենսդրությունը նախատեսում է քրեական պատասխանատվություն»,- ասվում է հաղորդագրությունում։
Սեպտեմբերի կեսերին ռուսական լրատվամիջոցները հայտնել են Զինվորական հաշվառման միասնական ռեգիստրի կայքի գործարկման մասին: Միևնույն ժամանակ, այն թեստային ռեժիմով աշխատում է միայն Ռուսաստանի երեք շրջաններում՝ Սախալինի և Ռյազանի մարզերում, ինչպես նաև Մարի Էլի Հանրապետությունում: 2023 թվականի գարնանն ընդունված օրենքի համաձայն՝ այս պորտալում տեղադրված ծանուցագիրը հրապարակումից 7 օր հետո կհամարվի հանձնված։
Թարգմանությունը՝ Տաթև Ֆռանգյանի
