14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
«Մի՛ խառնվեք մեր գործերին»․ Ալիևն արձագանքել է Բորելին
Քաղաքականություն
13.11.2024 | 20:43
Ադրբեջանի նախագահ Իլհամ Ալիևը COP29-ի շրջանակում SIDS-ի գագաթնաժողովում իր ելույթը նվիրել է, մասնավորապես, Ֆրանսիայինն։ Նա խոսել է կղզի պետություններին պատճառված վնասի մասին, որը, իբր, «հասցրել է ֆրանսիական գաղութային քաղաքականությունը»։
«Եթե հաշվի առնենք նաև օկուպացիայի ժամանակ Ֆրանսիայի կողմից Ալժիրում իրականացված ևս 17 միջուկային փորձարկումներ, ապա կարող ենք պատկերացնել մեր մոլորակի էկոհամակարգին հասցված վնասի ամբողջ չափը։ Փարիզի հանցագործությունները չեն սահմանափակվում դրանով, եթե հիշենք նախագահ Մակրոնի ռեժիմի հանցագործությունները, որոնք սպանեցին Նոր Կալեդոնիայում օրինական ցույցերի ավելի քան 100 մասնակիցների, և որտեղ ավելի քան հազար մարդ ձերբակալվել է: Զանգվածային ձերբակալություններ են տեղի ունեցել ինչպես Գվադելուպայում, այնպես էլ Մարտինիկում»,-ասել է Ալիևը։
«Այսքանից հետո Ֆրանսիան չի մեղադրվել ո՛չ Եվրահանձնաժողովի, ո՛չ Եվրախորհրդարանի, ո՛չ Եվրախորհրդի կողմից։ Սա քաղաքական կեղծավորության ցուցանիշ է։ Եվրախորհրդարանը և ԵԽԽՎ-ն քաղաքական կոռուպցիայի խորհրդանիշներ են։ Ի՞նչ կարելի է սպասել Եվրախորհրդարանից և ԵԽԽՎ-ից, եթե Եվրոպայի գլխավոր դիվանագետ Ժոզեպ Բորելը Եվրոպան անվանել է այգի, իսկ մնացած աշխարհը՝ ջունգլի։ Դե, եթե մենք ջունգլիներ ենք, ապա մի կողմ կանգնեք և մի՛ խառնվեք մեր ներքին գործերին»,- հայտարարել է Ադրբեջանի նախագահը։
Ի դեպ, ադրբեջանական Թուրան գործակալության հաղորդմամբ՝ «դժբախտ երկրների», որոնց պաշտպանությունը ստանձնել է Ադրբեջանի նախագահը, և դահլիճում ներկա այլ պետությունների բազմաթիվ ներկայացուցիչներ չեն ծափահարել Ալիևին։ Այդ գործառույթը ստանձնել են դահլիճը լցրած ադրբեջանցիները։
Թարգմանությունը՝ Էմմա Չոբանյանի
