30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Բելգորոդի շրջանում ԱԹՍ-ն հարվածել է նավթի պահեստին
Քաղաքականություն
12.11.2024 | 12:02
Ուկրաինական անօդաչու թռչող սարքը հարվածել է Բելգորոդի շրջանի Ստարի Օսկոլ քաղաքի մոտ գտնվող նավթի պահեստին, հայտնել է շրջանի նահանգապետ Վյաչեսլավ Գլադկովը, փոխանցում է BBC-ի ռուսական ծառայությունը։
Նրա խոսքով՝ արդյունքում պահուստարաններից մեկը բռնկվել է։ Տուժածներ չկան, հավելել է նահանգապետը։
«Ուկրաինայի զինված ուժերն անօդաչու թռչող սարք են օգտագործել Ստարի Օսկոլ քաղաքային շրջանի տարածքում գտնվող նավթային պահեստի վրա հարձակվելու համար։ Պայթյունի հետևանքով պահուստարաններից մեկը հրդեհվել է։ Տեղում աշխատել է 10 հրշեջ բրիգադ, որոնք արագ մարել են կրակը»,- գրել է Գլադկովը Տելեգրամում։
Թարգմանությունը՝ Տաթև Ֆռանգյանի
