16.02.2026 | 20:00
ՔՆՆԱՐԿՈՒՄ․ Փոշի, ծուխ, ծառահատում․ ո՞վ է պատասխանատու Երևանի ծանր շնչառության համար
Արարատ Միրզոյանը Շվեդիայի առևտրի նախարարի հետ երկկողմ տնտեսական համագործակցության հարցեր է քննարկել
Քաղաքականություն
12.11.2024 | 11:12
ՀՀ ԱԳ նախարար Արարատ Միրզոյանը Ստոկհոլմում նոյեմբերի 11-ին Շվեդիայի միջազգային զարգացման համագործակցության և արտաքին առևտրի նախարար Բենջամին Դուսայի հետ հանդիպմանը քննարկել է երկկողմ տնտեսական համագործակցության, առևտրի խթանման հնարավորությունները՝ երկու երկրների միջև ձևավորված քաղաքական երկխոսությանը համահունչ:
ԱԳՆ մամուլի ծառայության հաղորդագրության համաձայն՝ կողմերը պայմանավորվածություն են ձեռք բերել համատեղ ջանքերով նպաստել գործարար կապերի ակտիվացմանը, այդ թվում՝ ներդրումների խրախուսման միջոցով։
Անդրադարձ է կատարվել Հայաստանում ժողովրդավարական բարեփոխումներին, այս ճանապարհին համախոհ գործընկերների հետ համագործակցության և աջակցության կարևորությանը։ Այս համատեքստում նախարար Միրզոյանը նշել է, որ ՀՀ-ն արժևորում է Շվեդիայի, ինչպես նաև ԵՄ այլ անդամ երկրների հետ սերտ համագործակցությունը երկրում ժողովրդավարական ինստիտուտների զարգացման, կարողությունների ամրապնդման գործում։
