14.11.2024 | 19:29
Իսրայելը հարվածներ է հասցրել Դամասկոսի կենտրոնին
Ադրբեջանն էթնիկ զտումներ է իրականացրել․ Թբիլիսիում Գրետա Թունբերգը բողոքի ցույց է անցկացրել Բաքվում COP29-ի դեմ
12.11.2024 | 11:21
Շվեդ հայտնի կլիմայական ակտիվիստ Գրետա Թունբերգը Թբիլիսում ցույց է կազմակերպել Բաքվում անցկացվող COP29 համաժողովի դեմ՝ հայ, ադրբեջանցի և վրացի ակտիվիստների հետ, փոխանցում է OCMedia-ն։
AP-ի հաղորդմամբ՝ Թունբերգը և մի շարք այլ ակտիվիստներ պնդում են, որ Ադրբեջանն արժանի չէ ընդունելու կլիմայի վերաբերյալ բանակցությունները՝ իր ռեպրեսիվ քաղաքականության պատճառով: Թունբերգն Ադրբեջանը բնութագրել է որպես «ռեպրեսիվ, օկուպացիոն պետություն, որն էթնիկ զտումներ է իրականացրել և շարունակում է ճնշել Ադրբեջանի քաղաքացիական հասարակությանը»։ Նա Ադրբեջանին մեղադրել է գագաթնաժողովը որպես «իր հանցագործությունները և մարդու իրավունքների ոտնահարումը կանխելու հնարավորություն»։
«Այս իրավիճակում մենք նրանց ոչ մի լեգիտիմություն չենք կարող տալ, այդ իսկ պատճառով մենք կանգնած ենք այստեղ և ասում ենք «Ո՛չ» կանաչ լվացմանը (greenwashing) և «Ո՛չ» ադրբեջանական ռեժիմին»,- ասել է նա՝ հայտարարելով, որ կլիմայի փոփոխության կոնֆերանսի անցկացումն «ավտորիտար նավթային պետությունում աբսուրդ է»։
Հիշեցնենք, որ ավելի վաղ ակտիվիստուհին բոլորին հրավիրել էր միանալու ակցիային՝ նշելով, որ Ադրբեջանը, օգտագործելով COP29-ը որպես շղարշ, խստացնում է կեղծ կանաչ օրակարգը, ուժեղացնում իր իշխանությունը և սրում տարածաշրջանային լարվածությունը։
Թարգմանությունը՝ Էմմա Չոբանյանի
