30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
171 նոր «Ժոնգ Թոնգ» ավտոբուսներն արդեն Հայաստանում են, բայց դեռ մաքսազերծվում են
11.11.2024 | 14:07
171 ավտոբուսի գնման գործընթացն իրականացված է, հանձնման-ընդունման աշխատանքները՝ ևս, և ամբողջ խմբաքանակը ՀՀ-ում է: Այս մասին Երևանի քաղաքապետարանի գործակարգավարական նիստին հայտարարեց տրանսպորտի վարչության պետի պաշտոնակատար Վազգեն Հարությունյանը:
«Այս պահին իրականացվում են մաքսազերծման աշխատանքներ: 14 տրոլեյբուսի մասով ևս այս շաբաթ սկսվում են հանձնման-ընդունման և մաքսազերծման գործընթացները, միաժամանակ մշակվում են նաև երթուղիները»,- ասաց Հարությունյանը:
Երևանի քաղաքապետ Տիգրան Ավինյանն էլ արձագանքեց, որ Երևանի քաղաքապետարանը շարունակում է արդիականացնել հանրային տրանսպորտը և տրանսպորտային միջոցները, ապա շնորհակալություն հայտնեց միասնական տոմսային համակարգի միջանկյալ անցման ընթացքում երևանցիների ըմբռնման համար և հորդորեց գիտակցել միասնական տոմսային համակարգի կարևորությունը:
«Այս 171 ավտոբուսները, որոնք ավելանում են գծերում, նույնպես էականորեն ծախսն ավելացնելու են:
Այդ առումով շատ կարևոր է միասնական տոմսային համակարգին անցումը: Միասնական տոմսային համակարգն ուղղակի մեր քմահաճույքը չէ. դա հանրային տրանսպորտի որակի պահպանման և հետագա բարելավման միակ բանաձևն է»,- ասաց Ավինյանը:
